Starfssvið
Fjölmiðlaréttur
Fjölmiðlaréttur snýr að mörkum tjáningarfrelsis, friðhelgi einkalífs og ábyrgðar útgefenda. Mörkin lögmannsstofa veitir fjölmiðlum, einstaklingum og fyrirtækjum ráðgjöf þegar slík mál koma upp.
Sérhæfð þjónusta og reynsla
Ráðgjöfin getur meðal annars varðað ærumeiðingar, túlkun á reglum um friðhelgi einkalífs, heimildir til upplýsingaöflunar, rétt til andsvara og leiðréttingar og samspil við lög um persónuvernd og fjölmiðla.
Mörkin lögmannsstofa sinnir hagsmunagæslu fyrir bæði þá sem vilja gæta réttinda gagnvart fjölmiðlum og fjölmiðla sem þurfa að verja útgáfu sína fyrir kröfum um leiðréttingar, bætur eða ómerkingu ummæla.
Áhersla er lögð á yfirvegaða nálgun, þar sem litið er heildstætt á tjáningarfrelsi, almannahagsmuni og persónuhagsmuni, og á að meta málið vandlega áður en farið er af stað með kröfu eða svar.
Markmiðið er að ráðgjöfin styðji við réttarstöðu viðskiptavina, hvort sem leiðin liggur til samtals, leiðréttingar, samkomulags eða málflutnings fyrir dómi.
Viðfangsefni geta meðal annars varðað
- Ærumeiðingar og ómerking ummæla
- Friðhelgi einkalífs í fjölmiðlum
- Réttur til andsvara og leiðréttingar
- Ráðgjöf til ritstjórna
- Málflutningur fyrir dómi
